انهاردة هنعمل مع بعض بلح الشام بوصفات سهله, هنقدمهم بطريقة الشيف نونا والشربيني ومحمد حامد والشيف حسن.
وقدمنا طريقة عمل بلح الشام قبل كدا بطريقة الشيف هالة فهمي ونجلاء الشرشابي وسالي فؤاد وفاطمة أبوحاتي بطرق سهله وبسيطة.
طريقة عمل بلح الشام مع الشيف شربيني
مكونات بلح الشام:
- 200 ملي زيت
- 400 ملي مياة
- 10 جرام ملح
- 10 جرام فانيليا
- 20 جرام سكر
- 8 بيضات
- 500 جرام دقيق
- شربات ثقيل بارد
التحضير:
- أحضري حلة علي النار وقومي بوضع فيها الزيت والمياة ثم اضيفي فوقهم الملح والسكر والفانيليا وقلبيهم معا علي النار حتي يمتزجوا جيدا.
- اتركي الحلة علي النار حتي يغلي علي النار جيدا وفي نفس الوقت قومي بتغطية الحلة حتي تستوي وتغلي جيدا لمدة حوالي 5 دقائق.
- قومي بوضع الدقيق الان في الحلة فوق الزيت والمياة ثم ارفعي الحلة من علي النار وقومي بالتقليب بإستمرار حتي يمتزج الدقيق مع المياة والزيت.
- احضري العجان الان وقومي بوضع فية محتويات الحلة من عجين ثم قومي بتشغيل العجان علي العجين باستمرار حتي يخرج منها الهواء وتبدأ تبرد.
- قومي الان بوضع البيض بالتتالي بيضة وراء الاخري بعد التأكد من انها صالحة وليست فاسدة حتي تنتهي من كل كمية البيض في العجان وتمتزج جيدا مع العجينة.
- قومي باخراج العجينة من العجان وقومي بوضعها جزء جزء في قمع حلوي بلٌح الشام حتي تمتلء القمع من عجينة بلح الشام.
- احضري طاسة علي النار وضعي فيها الزيت علي ان يكون عميق او غزير واتركيها علي النار حتي يصبح الزيت دافيء وليس ساخن جدا.
- احضري بولة صغيرة وضعي فيها القليب من الزيت واتركيها بجانبك لتقومي بوضع يديك فيها حتي لا يلزق العجين بيديكي.
- قومي الان بوضع صوابع بلح الشام في الزيت مع تهدئة درجة الحرارة مع قطع بين كل صباع والاخر باليد بعد ان تبيليها في الزيت.
- املئي الطاسة واتركيها حتي تستوي واخرجي بلح الشام من الزيت الي الشربات البارد مباشرة اتركيه حتي يتشرب السكر جيدا ثم ضعيه في مصفاة ليتصفي من اي سكر زائد.
- قومي بتقديمة في طبق التقديم ويمكنك رش فوقة المكسرات المجروشة لتعطي شكلا جماليا وبالهناء والشفاء لكي ولعائلتك.
طريقة عمل بلح الشام مع الشيف حسن
المقادير:
- 2 كوب ونصف من الماء
- نصف معلقة صغيرة ملح
- نصف معلقة صغيرة سكر
- كوب كبير من الزيت
- 2 كوب ونصف من الدقيق
- 6 بيضات
- فانيليا
شربات بلح الشام:
- 5 كوب من السكر
- كوبان ونصف من الماء
- 2 ونصف معلقة كبيرة من الجلوكوز
التحضير:
- أحضري حلة علي النار وضعي فيها الماء ثم قومي باضافة فوقهم الملح والسكر مع التقليب حتي يمتزج الملح والسكر في الماء واتركيهم حتي يغلوا جيدا.
- قومي بوضع الزيت فوق الماء المغلي وقومي بتقليبهم واتركيهم يغلوا معا مرة أخري, أضيفي الان الدقيق فوق الماء والزيت مع التقليب علي النار.
- قومي الان برفعها من علي النار وقومي بوضعها في العجان وشغلي العجان حتي تبرد نهائيا ولو مفيش عجان قومي بفردها علي الرخامه حتي تبرد نهائيا.
- قومي الان بإضافة بيضة بيضة بعد ان تبرد العجينة نهائيا وفوقهم الفانيليا حتي يمتزج المكونات معا نهائيا
- احضري حلة وضعي فيها 5 اكواب سكر وفوقهم كوبان ونصف من الماء في نصف السكر وقومي بتقليبهم قليلا مع بعض حتي يمتزجوا معا ثم قومي بوضعهم علي النار.
- اضيفي الان العسل الجلوكوز وقومي بالتقليب علي النار حتي يمتزجوا معا جيدا ويتكون عندك شربات بلح الشام اضيفي رشة من عصير الليمون ثم ماء الورد وقلبيهم معا واتركية يغلي 20 دقيقة وارفعيه جانبا حتي يبرد نهائيا.
- احضري طاسة او ووك وضعي فيها الزيت وضعيها جانبا ثم قومي الان بوضع فيها من القمع بلح الشام مقطع صوابع في زيت بارد.
- قومي الان بوضع الطاسة علي النار العالية حتي يبدأ تغير لونة ثم قومي بتهدئة النار مرة أخري ثم اخرجي بلح الشام من النار وضعيه في مصفاة ليصفي الزيت.
- ارفعيه مباشرة في السكر البارد حتي يتشرب العسل قم قدمية في طبق التقديم وبالهناء والشفاء.
طريقة عمل بلح الشام بالفانيليا والشيكولاتة مع الشيف محمد حامد
المقادير:
- كوب وربع ماء
- ربع كوب زيت ذرة
- رشة ملح
- معلقة كبيرة سكر
- كوب ونصف دقيق
- 3 بيضة
- فانيليا
- ربع كوب كاكاو خام غامق
- زيت للقلي
التحضير:
- احضري حلة علي النار وضعي فيها 3 كوبايات من المياة و3 كوبايات من السكر وقومي بتقليبهم معا حتي يغلوا ثم قومي بوضع فوقهم عصير ليمون وقومي بتقليبهم ثم ارفعيهم من علي النار وتكوني عملتي شربات بلح الشام ثم قومي برفعها جانبا حتي تبرد نهائيا.
- احضري حلة علي النار وقومي بوضع المياة ثم قومي بوضع رشة الملح ورشة سكر وفوقهم الزيت وقومي بتقليبهم معا واتركيهم علي النار حتي يغلوا.
- احضري بولة وقومي بوضع الدقيق والكاكاو فوق بعضهم وقومي بتقليبهم معا حتي يمتزجوا معا ثم قومي بوضعهم فوق المياة علي النار.
- قومي بالتقليب بإستمرار حتي يمتزج العجينة معا جيدا علي النار مع الاستمرار ونفس الخطوة بدون الكاكاو بالفانيليا لنعمل عجينة الفانيليا بلح الشام.
- قومي بفردها قليلا حتي يبرد نهائيا ثم قومي بوضعها في العجان وقومي بوضع فوقها البيض وامزجيهم معا جيدا حتي يمتزج كل المكونات معا.
- احضري طاسة عميقة علي النار الهادئة جدا ثم قومي بوضع فيها الزيت ثم قومي باحضار القمع وقومي بوضع عجينة بلح الشام الشيكولاتة وقومي بتقطيع من القمع في الزيت.
- ارفعي درجة الحرارة ثم اخفضيها حتي يستوي بلح الشام وارفعيه من علي النار في مصفاة ليتصفي قليلا ثم مباشرة في شربات السكر البارد.
- ارفعيها من شربات السكر وقومي بوضعها في طبق التقديم بعد التصفية وبالهناء والشفاء.
طريقة عمل بلح الشام مع الشيف نونا
المقادير:
- كوب وربع دقيق
- 2 معلقة كبيرة نشا
- 2 معلقة كبيرة سميد بسبوسة
- 3 بيض
- عصير ليمون
- كوب وربع ماء
- 2 معلقة كبيرة زبدة
- رشة ملح
شربات او سيرب :
- كيلو سكر
- نصف لتر ماء
- شرائح برتقال
- ربع معلقة صغيرة ملح ليمون
تزيين بلح الشـام:
- شكولاتة خام دارك ذائبة
- شوكولاتة خام بيضاء ذائبة
- فستق مجروش
- فول سوداني مجروش
- جوز هند ناعم
التحضير:
- أحضري حلة علي النار وقومي بوضع فيها كيلو السكر ونصف لتر الماء حتي نقوم بتجهيز شربات بلح الشام ثم اتركيه علي النار مع التقليب حتي يذوب كل كمية السكر في الماء.
- قومي الان بعد ان يغلي بوضع ربع معلقة صغيرة من ملح الليمون واتركيها لتغلي ثم ارفعيها من علي النار وضعي فيها شرائح الليمون واتركيها جانبا لتبرد قبل الاستخدام.
- أحضري حلة علي النار وضعي فيها المياة حتي تغلي ثم اضيفي رشة الملح والزبدة وقومي بتقليبهم معا علي النار حتي يمتزجوا جيدا في المياة المغلية.
- أحضري بولة صغيرة وقومي بوضع فيها الدقيق والنشا والسميد وقومي بتقليبهم معا ثم قومي بوضعهم في الحلة علي النار مع التقليب السريع علي النار حتي يمتزجوا معا.
- احضري العجان وقومي بوضع فيه العجينة وقومي بتشغيل العجان حتي يبرد عجينة بلح الشام نهائيا ثم قومي, قومي الان بوضع الليمون والثلاثة بيضات وشغلي العجان مرة أخري.
- اتركيهم حتي يمتزجوا جيدا قومي بوضع العجينة في قمع بلح الشام واتركيه جانبا, قومي باحضار طاسة وضعي فيها زيت علي النار.
- قومي الان بوضع قطع من قمع بلح الشام في الزيت حتي يبدأ يستوي بلح الشام ثم قومي برفع بلح الشام ووضعه في مصفاة حتي يتصفي من الزيت.
- قومي الان بوضعه مرة أخري في الزيت بعد ان يهدأ ليكون مقرمش جيدا ثم قومي بتسوية جيدا ورفعه في مصفاة مرة أخري ثم قومي بوضعه في شربات الثقيل البارد.
- قومي الان بوضعه في طبق او صينية التقديم برصة شكلها جميل وقومي بوضع فوقها انواع التزيين من الشيكولاتة الدارك او البيضاء وغمسها في المكسرات المجروشة او السوداني وقدمية وبالهناء والشفاء.
