طريقة عمل الرز الكابلي بـ 4 وصفات مختلفة

هنقدم واحد من احلي اطعمة الأرز وهو الرز الكابلي والذي يقدم في السعودية كثيرا مثل الأرز البخاري والكبسة السعودي لاحلي طعم من وصفات طبخ.

طريقة عمل الرز الكابلي بالدجاج مع فاطمة أبو حاتي

مقادير الرز الكابلي بالدجاج:

• فرخة مقطعة ثماني قطع او فرختين مقطعين الي 16 قطعة
• 3 اكواب ارز مغسولين ومنقوعين نصف ساعة ومصفي
• 3 حبات بطاطس مقطعة مكعبات متوسطة الحجم
• بصلة كبيرة مقطعة شرائح
• نصف كوب عصير برتقال
• معلقة كبيرة عصير ليمون
• برش برتقال
• 2 حبة طماطم مفرومة
• 2 معلقة كبيرة صلصة
• قرنين فلفل حار
• ملح
• فلفل اسود
• كزبرة ناشفة
• بهارات سبعه
• 2 لومي
• زعفران بودر
• ورق لورا
• قرفة
• حبهان
• قرنفل
• سمنة
• زيت

التحضير:

1. احضري حلة علي النار وضعي فيها معلقتين من السمنة ومعلقتين من الزيت ورشة ملح واتركيهم ليسخنوا قليلا معا ثم قومي بوضع قطع الفراخ فيها لنقوم بتشويحها.
2. اضيفي ورق اللورا و2 عود قرنفل و2 لومي وخمس فصوص حبهان وخمسة قرنفل والكزبرة والبهارات السبعه والكمون ثم قومي بتقليبهم مع الدجاج علي النار واتركيه ليكتمل التشويح علي الجانبين.
3. اضيفي البصل الشرائح ثم قومي بالتقليب مرة أخري حتي يذبل البصل ايضا, قومي الان بإضافة عصير البرتقال وعصير الليمون والطماطم المكعبات وبشر البرتقال والصلصة وقرنين الفلفل وقومي بالتقليب مرة أخري.
4. اضيفي رشة الملح والفلفل الاسود وقومي بالتقليب مرة أخري ثم قومي بتغطيتة واتركيه علي نار هادئة حتي تستوي مع باقي المكونات.
5. بعد ان تصل الدجاج الي نصف سواء قومي باضافة البطاطس المكعبات لمدة خمس دقائق ثم اضيفي كوب ماء مغلي واتركيها حتي تستوي قليلا.
6. احضري حلة اخري علي النار فيها ماء مغلي ثم اضيفي عودين قرفة وخمسة فصوص حبهان وقرنفل ومعلقة من الملح واتركيها حتي تغلي جيدا جدا علي النار.
7. قومي بوضع فيها الارز واتركيه في الحلة لمدة عشرة دقائق حتي يتم سلق الأرز علي النار ثم نقوم بتصفيتة ووضعه في حلة الفراخ والبطاطس ليكمل باقي التسوية.
8. قومي بتوزيع الأرز فوق الفراخ ثم قومي برش معلقة سمنه فوق وش الارز واضيفي فوقة الزعفران علي الواش المذاب في القليل من الماء واتركيهم علي نار هادئة لمدة عشرة دقائق علي نار هادئة.
9. ارفعي الارز من علي النار مع الدجاج ثم قومي بوضع الرز الكابلي في طبق التقديم ووضع الفراخ علي وش الرز الكابلي وقدميه وبالهناء والشفاء.

طريقة عمل الرز الكابلي باللحم مع الشيف فاطمة أبو حاتي

مكونات الرز الكابلي باللحم:

• كيلو من اللحم المكعبات
• 3 كوب أرز بسمتي
• كيلو بطاطس مكعبات
• بصلة جوانح
• حباية طماطم مكعبات
• 2 فلفل حار
• معلقة صغيرة ثوم مفروم
• 2 معلقة صلصة كبيرة
• معلقة كبيرة بشر برتقال
• نصف كوب عصير برتقال
• معلقة كبيرة عصير ليمون
• سمنة
• زيت
• مكعب مرقة
• 2 لومي
• 4 ورق لاورا
• 10 حبات من القرنفل الصحيح
• 10 فصوص حبهان صحيح
• 4 عود من القرفة
• معلقة كبيرة كزبرة جافة
• نصف معلقة صغيرة زعفران بودر
• ملح
• فلفل أسود

التحضير:

1. احضري حلة علي النار وضعي فيها زبدة او سمنه حوالي معلقة كبيرة وفوقها القليل من الزيت ثم اتركي السمنة لتسيح وتسخن قليلا ثم أضيفي اللحمة المكعبات في السمنة.
2. قومي بتقليبها علي النار حتي تتشوح تشويحة قليلة ثم قومي باضافة البصل الشرائح والثوم المفروم وقومي بالتقليب مرة أخري مع اللحم علي النار.
3. أضيفي فوقها الحبهان والقرنفل والبهارات البودر والفلفل الاسود والملح والكزبرة الناشفة واللومي والقرفة وقومي بالتقليب معا علي النار ثم اضيفي بشر البرتقال والتقليب مرة أخري.
4. احضري حلة اخري علي النار بيها مياة مغلية ثم قومي بإضافة اليها 2 عود قرفة وورقتين لورا واللومي والحبهان الصحيح نصف الكمية والقرنفل نصف الكمية وملح وقومي بتقليبه معا.
5. غطيها حتي تغلي علي النار جيدا ثم قومي بوضع فيها الارز واتركيه حتي يتم سلقة جيدا لمدة حوالي عشرة دقائق قبل ان تصفيها من الحلة.
6. أضيفي الان فوق حلة اللحم مكعبات الطماطم والفلفل القليل وعصير الليمون ونصف كوب عصير البرتقال مع التقليب علي النار وغطيها حتي تستوي قليلا علي النار.
7. قومي بوضع فوق اللحم كوبان من المياة المغلية وفوقهم البطاطس المكعبات وقومي بالتقليب ثم أضيفي الملح فوقهم مع التقليب مرة أخري حوالي خمس دقائق علي النار.
8. قومي الان بتصفية الأرز نهائيا ثم قومي بوضعه فوق اللحم والبطاطس مع التقليب ورشة من السمنه علي الوش مع الزعفران المخلوط بالماء علي النار مرة أخري ثم اتركيها لمدة خمس دقائق اخري علي النار الهادئة حتي يستوي.
9. قومي الان بصب الارز مع اللحم في سيرفيز التقديم وبالهناء والشفاء.

طريقة عمل الرز الكابلي باللحم منال العالم

المكونات:

• 3 اكواب من الارز
• معلقة صغيرة زعفران
• ربع كوب ماء ساخن
• 4 معلقة كبيرة زيت ذرة
• 2 عود قرفة
• 10 حبة قرنفل
• 10 حبة هيل صحيح
• 4 ورق غار
• 2 حبة كبيرة بصل جوانح
• 6 فص ثوم مفروم
• كيلو لحم غنم مع العظم
• 2 معلقة كبيرة برش برتقال
• 2 حبة كبيرة طماطم مفروم
• 2 معلقة كبيرة معجون طماطم
• معلقة كبيرة كمون
• نصف معلقة صغيرة كمون
• 2 معلقة صغيرة ملح
• معلقة صغيرة من الفلفل الاسود
• معلقة صغيرة بابريكا
• معلقة صغيرة هيل
• معلقة صغيرة قرفة
• مكسرات مقلية

التحضير:

1. احضري حلة علي النار وضعي فيها القليل من الزيت ثم قومي بوضع فيه القرفة والقرنفل وورق الغار والهيل مع التقليب علي النار حتي يتحمص التوابل معا قليلا.
2. أضيفي الان الثوم المفروم والبصل الجوانح مع التقليب مرة أخري علي النار حتي يتشوحوا معا مرة أخري مع التوابل علي النار.
3. احضري بولة صغيرة وضعي فية ماء ساخن قليلا وفية الزعفران وقومي بتقليبهم معا حتي يذوب نهائيا, اغسلي الارز وانقعية لمدة نصف ساعة وقومي بتصفيته نهائيا واتركيها جانبا.
4. قومي الان بوضع الان قطع اللحم في حلة البصل والثوم والتوابل مع التقليب للتشويح ويبدأ اخذ لون مختلف قليلا ويدخل طعم التوابل باللحم.
5. اضيفي الان قشر البرتقال والطماطم ومعجون الطماطم والبهارات الناعمه من الكركم والقرفة واضيفي المياة وقومي بالتقليب مرة أخري واتركيهم علي نار متوسطة حتي تستوي لمدة حوالي ساعه وحسب نوع اللحم.
6. قومي الان برفع قطع اللحم من الخلطة واتركيها في طبق جانبا, أضيفي الارز الان مكان اللحم وقومي بتقليبهم معا في الحلة حتي يمتزج مع باقي المكونات واتركيها ليغلي علي نار عالية.
7. بعد ان يغلي الماء مع الارز ويتشرب الماء كاملة قومي برش الزعفران علي الوش ورشة سمنة وضعي قطع اللحم علي الوش ايضا واتركيهم علي نار هادئة حتي يستوي الأرز واللحم جيدا.
8. قومي الان بوضع الارز في طبق التقديم وعلي الوش اللحم ورشة من المكسرات المحمصة وبالهناء والشفاء.

طريقة عمل الرز الكابلي مع آية حسني

المكونات:

• 2 كوباية ارز بسمتي مسلوقين
• معلقة بهارات
• عود قرفة
• ورقتين لورا
• 3 حبات قرنفل
• 4 فص حبهان
• كيلو لحمة مكعبات او شرائح عريضة
• 2 حبة بصل كبيرة جوانح
• 6 فص ثوم مفروم ناعم
• ربع كوب ماء ساخن
• 2 طماطم مفرومة ناعم
• 4 اوراق غار
• عودين قرفة
• معلقة صغيرة قرفة مطحونة
• معلقتين كبيرة بشر برتقال
• كوب عصير برتقال
• 5 حبات من كبش القرنفل
• معلقة صغيرة من الهيل المطحون
• معلقتين كبيرة صلصة طماطم
• معلقة صغيرة زعفران
• نصف معلقة صغيرة من الكركم
• معلقة صغيرة كمون
• معلقة صغيرة فلفل اسود
• معلقتين ملح
• قرنين فلفل حار
• ربع كوب بقدونس مفروم
• حبتان بطاطس مكعبات كبيرة
• ربع كوب ماء ورد

التحضير:

1. أحضري طاسة علي النار وضعي فيها القليل من الزبدة والزيت واتركيها لتسيح, أضيفي الان قطع اللحم المكعبات او الشرائح وقومي بتشويحهم في الزبدة حتي يتغير لون اللحم.
2. احضري حلة علي النار وضعي فيها القليل من الزبدة والزيت وقومي بوضع فيها كل البهارات الصحيحة وقومي بتقليبه علي النار حتي يتحمص كل البهارات الصحيحة علي النار ويظهر رائحتها.
3. اضيفي قرن فلفل حامي والبصل الشرائح وقومي بتشويحهم مع التوابل جيدا, ثم أضيفي الثوم المفروم وقومي بالتقليب مرة أخري, ثم أضيفي الكركم وباقي البهارات مع التقليب مرة أخري.
4. قومي الان بوضع اللحم بالزبدة المشوحة في الحلة فوق البصل وقومي بالتقليب مرة أخري علي النار, قومي بإضافة الطماطم وبشر البرتقال مع التقليب علي النار.
5. اضيفي الان صلصة الطماطم والماء المغلي وقومي بتقليبها علي النار جيدا حتي تمتزج واتركيها حتي تغلي ثم اضيفي البطاطس بعد ان تغلي اللحم وتستوي جيدا.
6. قومي الان بوضع الارز المسلوق فوقها مع التقليب معا, وقومي بوضع الزعفران في الماء المغلي وقومي بتذويبة فيها جيدا ورشية علي وش الارز ورشة من السمنة واتركيه علي نار هادئة ليستوي جيدا.
7. قومي الان بوضع في طبق التقديم وبالهناء والشفاء.