اليوم نقدم لكي طريقة عمل الملوخية بالارانب من الوصفات اللذيذة والمحببة واليوم ان لم تكن تحبيها مع وصفاتنا لاكبر شيفات في مصر هتحبيها ومش هتنسيها.
بكل سهولة هنعملك انهاردة 4 طرق لعمل الملوخية بالأرانب بسهولة وطعم لذيذ واحلي اكلة ممكن تاكليها معانا.
طريقة عمل الملوخية بالارانب بطريقة نجلاء الشرشابي
المكونات:
- ارنب مقطع 6 قطع
- ملوخية
- سمنة
- بصل
- ثوم مفروم
- جزر
- طماطم
- حبهان
- مستكة
- ورق لورا
- كزبرة جافة
- ملح
- فلفل اسود
التحضير:
- احضري طاسة علي النار وضعي فيها نص معلقة سمن وضعي فيها 3 فصوص مستكة حتي تسيح وضعي الان فيها الارنب ليتشوح وقومي بتغطية الطاسة.
- قومي بتقليب الأرنب علي الجانبين ثم قومي باضافة البصل والجزر والطماطم وورق اللورا والحبهان والقليل من الملح وقومي بتقلبيهم معا وقومي بتغطيتها جيدا.
- بعد قليل ضعي القليل من المياة فوق الارنب وغطيها مرة اخري علي نار متوسطة حتي يستوي.
- قومي بوضع الملوخية في حلة وضعي فوقها ثوم مفروم ني ثم ضعي فوق الملوخية صوص او شوربة الارنب المتبقية فيها وضعيها علي النار.
- اخرجي الارنب الان في صينية فرن وبالخضرة اللي معاه وقومي بادخالة الفرن ليعطي لون.
- ضعي فوق الملوخية طشة ملوخية وقلبيها جيدا حتي تستوي وقومي بوضعها في طبق التقديم او بولة سفرة صغيرة.
- وضعي الارنب في طبق بجوارها وبالهناء والشفاء.
طريقة عمل الملوخية بالارانب بطريقة هالة فهمي
مكونات طريقة عمل الملوخية بالارانب :
- ارنب مقطع 6 قطع
- 2 كوب دقيق
- معلقة كبيرة جنزبيل
- حبهان مطحون
- 2 لتر مياة
- نصف كوباية خل
- 4 ليمون مقطع انصاص
- ملح
- فلفل اسود
- كزبرة ناشفة
- جزر
- بصل
- ورق لورا
- حبهان
- معلقة كبيرة سمنه
- معلقة كبيرة زيت
- ماء مغلي
- فلفل اسود حصي
- كيلو ملوخية خضراء
- ثوم مفروم
- طماطم مبشورة
- شوربة الارنب
التحضير:
- اولا نقوم بغسل الارنب وتنظيفة جيدا عن طريق الدقيق والجنزبيل حتي يخرج منوا اي ريحة او اي شيء يغير طعم الارنب.
- احضري بولة كبيرة وضعي فيها الدقيق والجنزبيل ونقلبهم معا جيدا وضعي فيهم الارنب في بولة كبيرة اخري وضعي علي كل قطعة القليل من الدقيق بالجنزبيل واستمري بدعك الارنب بها حتي تنتهي كل الكمية.
- قومي بوضع الماء فوق الارنب وقومي بغسلة في البولة حتي ينزل منة كل الدقيق.
- احضري بولة كبيرة فيها مياة ونضع فوقها الخل ونضع فيها الليمون ونقوم بعصرة قبل وضع القشر في المياة ونقوم بتقليبهم معا.
- قومي بوضع قطع الارنب الان في المياة ونقوم بتقليبها جيدا ونتركها في الماء لمدة حوالي ربع ساعة او اكثر.
- بعد ان تنتهي المدة نقوم باخراج الارنب في مصفاة ونصفية من المياة والخل والليمون , ولا تقومي بشطفة من المياة.
- ضعي فوق الارنب الملح وحبهان وفلفل اسود رش من فوقة ونقوم بدعك التوابل في الارنب مرة أخري.
- نقوم بوضع مياة مغلية في حلة ونضع فيها بصلة مقطعة وجزر وورق لورا وحبهان وفلفل اسود حصي.
- نترك المياة حتي تغلي جيدا جدا ونقوم بتغطيها ونتركها علي النار حتي نقوم بتشويح الارنب.
- نقوم بوضع طاسة علي النار ونضع فيها معلقتين من السمنة ونتركهم حتي تسيح قليلا.
- قومي الأن بوضع قطع الأرنب في الطاسة واتركية حتي يبدأ يتشوح ثم قومي بتقليبة في السمن علي الجانب الأخر.
- قومي الأن برفع الارنب من الطاسة وضعيه مباشرة في الحلة في المياة المغلية بالخضروات وقومي بتقليب شوربة الأرانب جيدا.
- اتركي الطاسة التي تم تشويح الارنب فيها جانبا لاننا سوف نستخدمها مرة أخري.
- اتركي الارنب في المياة المغلية لمدة حوالي ربع ساعة او نفس سواء الفراخ بالظبط ثم ارفعي الشوربة من علي النار.
- احضري الملوخية وقومي بغسلها جيدا وقرطفيها جيدا حتي تصفي نهائيا من المياة وثم نقوم بفرمها بالمخرطة جيدا حتي تصبح ناعمه جدا.
- ضعي طاسة علي النار فيها معلقة سمن حتي تسيح وضعي فيها الثوم المفروم واستمري في التقليب حتي يتم تشويح الثوم ويبدأ يعطي اللون الذهبي الغامق.
- ضعي فوقها معلقة من الطماطم المبشورة وقومي بالتقليب باستمرار حتي تنزل الطماطم القليل من الماء.
- قومي الان بوضع الطشة فوق الشوربة واتركيها حتي تغلي غلوة.
- في حلة فاضية علي النار ابدأي الان بوضع الملوخية فيها وقلبيها علي الناشف في الحلة قومي الان بوضع الشوربة بعد ان تغلي علي الملوخية حتي تعطي لكي القوام الجيد للملوخية.
- احضري طاسة علي النار لعمل طشة الملوخية ونقوم بوضع نصف معلقة سمن ونضع فيها الثوم المفروم وقومي بتشويح الثوم وضعي فوقها الكزبرة وقلبي جيدا.
- قومي الان بوضع الطشة علي الملوخية وقومي بتقليبها جيدا حتي تستوي الملوخية.
- احضري طاسة علي النار التي قمنا بتحمير الارانب فيها او تشويحها ونتركها علي النار حتي تسخن مرة أخري.
- ضعي قطع الأرنب فيها لنقوم بتحميرها جيدا وقومي بتقليب الأرنب حتي يتشوح وقومي باخراجها ووضعها في طبق جانبي.
- قومي بوضع في صينية بولة صغيرة فاضية مقلوبة وضعي حواليها الأرز الأبيض وضغطية جيدا جدا ثم قومي بقلب صينية الارز في صينية كبيرة بدون حواف.
- ضعي في البولة الملوخية وحوالين الأرز قطع الارنب ليعطي لكي شكل جميل للتقديم وبالهناء والشفاء.
طريقة عمل الملوخية بالارانب بطريقة الشيف شربيني
مكونات طريقة عمل الملوخية بالارانب :
- أرنب مقطع الي 6 قطع
- ملوخية
- جزر
- كرفس
- بصل
- ثوم
- كزبرة جافة
- حبهان
- ورق لورا
- سمن
- ملح
- فلفل أسود
التحضير:
- قومي بوضع حلة علي النار وفيها الخضروات ومياة مغلية والأرنب واتركيها علي النار حتي تغلي ويستوي الأرنب جيدا.
- ضعي الملح والفلفل الأسود وقومي بتقليب الشوربة حتي تستوي الأرنب ونقوم برفعه من علي النار.
- اخرجي الأرنب والخضار من الشوربة وقومي بتصفيتها جيدا من الشوربة.
- قومي بوضع طاسة علي النار وقومي بتحمير الارنب فيها جيدا حتي تتحمر جيدا ونقوم باخرجها في طبق التقديم مع الأرز.
- ضعي الملوخية في شوربة الأرانب وقومي بتقليبها في الشوربة حتي تمتزج مع الشوربة.
- في طاسة علي النار ضعي معلقة سمن والثوم المفروم وقومي بالتقليب باستمرار ثم ضعي فوقها الكزبرة الناشفة واستمري في التقليب حتي تتشوح جيدا.
- قومي بوضع الطشة فوق الملوخية وقومي بالتقليب واتركيها حتي تغلي واغلقي النار عليها وضعيها في طبق التقديم بجوار الأرانب وبالهناء والشفاء.
طريقة عمل الملوخية بالارانب مع علاء الشربيني
مكونات طريقة عمل الملوخية بالارانب :
- ارنب
- ثوم مفروم
- ملوخية
- بصل مفروم
- جزر
- بصل مقطع كبير
- كرافس
- كرات
- حبتان حبهان
- ورق لورا
- فصوص ثوم سليمة
- زيت
- زبدة
- ماء مغلي
التحضير:
- احضري الارنب في طبق وقومي بوضع الملح والبهارات والفلفل الاسود وقومي بتقليبهم فوقة جيدا حتي يدخل فية التوابل.
- ضعي فوق الارنب ثوم مفروم بالزيت وقومي بتقليبه مرة أخري
- احضري طاسة علي النار وضعي فيها القليل من الزيت ومكعبين زبدة وفصين ثوم مفرومين وقلبيهم في الزبدة والزيت.
- قومي بوضع الأرنب الان في الزيت والسمنه واتركيه حتي يتشوح وضعي فوقة ورق لورا ثم قومي بقلبة علي الجانب الأخر ليتشوح ايضا.
- قومي بوضع الان فوق الأرنب في الطاسة البصل المقطع والجزر والكرافس والكرات والحبهان والثوم الفصوص.
- قومي بوضع الان شوربة ساخنة جاهزة او مسلوق فيها ارانب مسبقا او مياة مغلية مع مكعب مرقة الدجاج.
- قومي بتغطية الطاسة وقومي بتركها في الطاسة علي النار حتي تغلي جيداً ويستوي الأرنب في الشوربة.
- قومي باخراج الارنب والخضروات وصفية من الشوربة في طبق جانبي واخذي منة الشوربة.
- ضعي في الشوربة علي النار الملوخية وقلبيها حتي تمتزج مع الشوربة.
- في طاسة علي النار ضعي معلقتين زبدة وثوم مفروم والقليل من الكزبرة الناشفة وقلبي باستمرار حتي تتشوح.
- قومي الان بوضع الطشة فوق الملوخية بعد ان تغلي الملوخية وقلبيها جيدا وارفعيها من علي النار وضعي الارانب داخل الملوخية.
- قدمي الملوخية بالأرانب مع الأرز الأبيض من هنا طريقة عمل الارز وبالهناء والشفاء.
