طريقة عمل الملوخية الناشفة بـ 5 طرق سهله

هنعمل مع بعض انهاردة طريقة مغلبة كل الأمهات وهي طريقة عمل الملوخية الناشفة زي معملنا قبل كدا طريقة عمل الملوخية بالارانب بسهولة في المنزل.

طريقة عمل الملوخية الناشفة فاطمة أبو حاتي

المكونات:

• كوبان من الملوخية الناشفة
• لتر نصف شوربة
• راس ثوم مقشرة
• حباية طماطم مقشرة ومبشورة
• معلقة كبيرة كزبرة ناشفة
• معلقة صغيرة سكر
• حزمة كزبرة ورق فقط
• 5 ورقات من السلق الأخضر

التحضير:

1. إحضري الكبة وقومي بوضع فيها الثوم وشغلي الكبة حتي يتم فرم الثوم نهائيا ثم قومي بوضع الثوم في طبق جانبا لنقوم بإستخدامة.
2. في نفس الكبة قومي بوضع فيها ورق الكزبرة وورق السلق مكان الثوم وقومي بتشغيل الكبة وممكن وضعي معلقة مياة حتي يتم تشغيل الكبة اسرع ويتم فرمها بطريقة أفضل.
3. قومي بوضع الخضرة المفرومة فوق الملوخية الناشفة في بولة جانبا حتي نقوم أيضا بأستخدامها في طريقتنا طريقة عمل الملوخية الناشفة وقومي بدعك الملوخية الناشفة مع الخضرة حتي تتشرب الخضرة كاملة بها.
4. احضري حلة علي النار وضعي فيها معلقة كبيرة من السمنة وضعي فيها ثلث كمية الثوم المفروم وقومي بتشويح الثوم جيدا جدا ولا يغمق منك.
5. قومي بإضافة نصف كمية الكزبرة في الحلة وقومي بالتقليب حتي تتحمص ثم أضيفي الطماطم المبشورة مع التقليب حتي تتسبك قليلا وضعي فوقها السكر وقومي بالتقليب باستمرار ومكعب من المرقة ايضا مع التقليب.
6. اضيفي ثلثي كمية الشوربة مع التقليب ثم اضيفي جزء اخر من الثوم فوق الشوربة مع التقليب ثم اضيفي الان الملوخية بالخضرة بعد ان تغلي جيدا.
7. تأكدي من الملح ثم قومي بتقليب الملوخية جيدا حتي يتم فك الملوخية من بعضها جيدا مع التقليب ثم تأكدي من قوام الملوخية لنضيف باقي الشوربة حسب القوام اللي تحبية.
8. استمري حتي تغلي الملوخية علي الهادي قومي برفعها من علي النار وقومي بصبها في طبق التقديم جانبا واتركيها حتي نجهز طشة الملوخية.
9. احضري طاسة علي النار وضعي فيها معلقة كبيرة من السمنة وفوقهم باقي كمية الثوم المفروم وقومي بتحميرة من غير ما اللون يصل للبني.
10. أضيفي باقي كمية الكزبرة الناشفة مع التقليب حتي يأخذ اللون الذهبي الجميل ثم أضيفيها مباشرة فوق طبق الملوخية ووزعيه علي الوش بدون التقليب.
11. بكدا نكون عملنا الملوخية الناشفة زي الملوخية الخضراء وقدميها مع الفراخ المشوية او الفراخ المحمرة او اللحم مع الأرز الابيض وبالهناء والشفاء.

طريقة عمل الملوخية الناشفة مثل الخضراء مع نجلاء الشرشابي

المكونات:

• ملوخية ناشفة
• عصير طماطم
• بصل مفروم
• ثوم مفروم
• مكعب مرقة
• كزبرة ناعمه
• سمن
• رشة بيكربونات صودا
• ملح

التحضير:

1. إحضري حلة علي النار وضعي فيها معلقة سمنة لعمل تسبيكة الملوخية ونقوم بوضع فوقها البصل ورشة ملح وقومي بالتقليب علي النار حتي تتشوح البصلة قليلا.
2. أضيفي فوقها عصير الطماطم حوالي حبايتان من الطماطم المعصورة وقومي بتقليبهم معا ثم اضيفي القليل من الفلفل الاسود وقومي بالتقليب مرة أخري.
3. احضري حلة اخري علي النار وضعي فيها مياة ومكعب مرقة حتي تتكون معنا شوربة ان لم يكن لديكي شوربة فراخ او شوربة لحم للملوخية ثم ارفعيها من علي النار.
4. احضري بولة وضعي فيها الملوخية وضعي فوقها علي طرف المعلقة رشة بيكربونات صودا واضيفي فوقهم معلقتين من المياة وقومي بتقليبهم معا جيدا.
5. احضري طاسة علي النار وضعي فيها معلقة من السمنة وضعي فوقها الثوم المفروم وقومي بالتقليب حتي يتشوح الثوم وقومي بوضع فوقها الكزبرة الناشفة ورشة ملح وقومي بالتقليب مرة أخري.
6. اضيفي من الشوربة فوق حلة البصل بالصلصة وفوقها الملوخية من البولة مع التقليب علي النار قليلا وتاكدي من ثقل الملوخية وهتحتاج شوربة اخري ام لا.
7. اضيفي الطشة من الطاسة مباشرة فوق حلة الملوخية مع التقليب علي النار ثم ارفعيها من علي النار وقومي بوضعها في طبق التقديم وبالهناء والشفاء.

طريقة عمل الملوخية الناشفة للشيف هالة فهمي

المكونات:

• كوباية ملوخية ناشفة
• كزبرة ناشفة
• ثوم مفروم
• سمنة
• طماطم مفرومة
• شوربة فراخ

التحضير:

1. احضري حلة وضعي فيها نصف معلقة سمنة ونصف معلقة ثوم مفروم مع التقليب علي النار ثم اضيفي القليل من الكزبرة فوق الثومة مع التقليب حتي تتشوح جيدا.
2. أضيفي فوق طشة الملوخية كمية الطماطم المفرومة وقومي بالتقليب علي النار جيدا ثم قومي بوضع فوقها شوربة الفراخ واتركيها حتي تأخذ غلوة علي النار.
3. قومي بإضافة الملوخية الناشفة مع التقليب علي النار قليلا حتي تتفكك كلها في الملوخية وتتوزع جيدا وتصبح قوامها مناسب زي مبتقدميها لعيلتك.
4. احضري طاسة وضعي فيها نصف معلقة سمنة اخري وضعي فيها معلقة ثوم مفروم وقومي بالتقليب علي النار حتي تتشوح ثم اضيفي فوقها الكزبرة الناشفة مع التقليب حتي تتشوح جيدا.
5. قومي بصب طشة الملوخية فوق حلة الملوخية ثم قومي بتقليبها ووضعها في طبق التقديم وبالهناء والشفاء.

طريقة عمل الملوخية الناشفة مع أميرة شنب

مكونات طريقة عمل الملوخية الناشفة:

• ملوخية ناشفة
• طماطم مبشورة
• ثوم مفروم
• كزبرة ناشفة
• سمنة
• مرقة
• ملح
• فلفل اسود

تحضير طريقة عمل الملوخية الناشفة:

1. احضري حلة علي النار وضعي فيها السمنة وفوقها الثوم المفروم وقومي بتقليبهم معا علي النار ثم اضيفي الملح والفلفل الاسود مع التقليب علي النار.
2. اضيفي الطماطم المبشورة ثم قومي بالتقليب مرة أخري علي النار ثم اضيفي معلقة صغيرة من السكر مع التقليب مرة أخري.
3. اضيفي الملوخية الناشفة علي الحلة مع التقليب ثم اضيفي الشوربة فوقها مع التقليب واضيفي الشوربة قليلا فقليلا حتي تتأكدي من ثقل الملوخية زي ما تحبي.
4. احضري طاسة علي النار وضعي فيها الزبدة او السمنة مع التقليب ثم اضيفي الثوم المفروم والكزبرة الناشفة ثم اضيفي الملح مع التقليب علي النار لعمل طشة الملوخية الناشفة.
5. قومي الان بوضع معلقتين من الملوخية فوق طاسة الطشة ثم قومي بقلبها فوق الحلة مع التقليب وتركها غلوة واحدة فقط ثم قومي بصبها في طبق التقديم وبالهناء والشفاء.

طريقة عمل الملوخية الناشفة للشيف شربيني

مقادير طريقة عمل الملوخية الناشفة:

• صدور دجاج مسلوقة
• ملوخية ناشفة
• ثوم مفروم
• كزبرة خضراء مفرومة
• شبت اخضر مفروم
• كزبرة جافة
• سمنة
• طماطم مبشورة
• مكعب مرقة
• ملح
• فلفل اسود

تحضير طريقة عمل الملوخية الناشفة:

1. قومي بوضع الملوخية الناشفة في بولة وقومي بوضع فوقها القليل من الماء المثلج مع التقليب حتي تمتزج الملوخية مع الماء جيدا ثم اتركيها في البولة بالماء لمدة نصف ساعه.
2. أحضري حلة علي النار وقومي بوضع سمنة بلدي وفوقها البصل المفروم ثم فوقهم نصف كمية الثوم الموجودة مع التقليب علي النار ثم اضيفي مكعب من المرقة وممكن قرن فلفل حراق والقليل من الكزبرة الخضراء ورشة شبت.
3. قومي بتقليبهم معا علي النار ثم اضيفي الصلصة مع التقليب مرة أخري ثم اضيفي الشوربة وقلبيهم معا علي النار ثم قومي بوضع رشة ملح ورشة فلفل اسود.
4. قومي بصب الشوربة فوق الحلة وقومي بتقليبهم ثم قومي بوضع فوقها الملوخية من البولة وقومي بالتقليب مرة أخري علي النار حتي يتم مزج كل المكونات معا.
5. تأكدي من الملح والفلفل الاسود وطعم الملوخية ثم قومي بصبها في طبق التقديم وفي نفس الوقت قومي بتجهيز الطشة.
6. احضري طاسة علي النار وضعي فيها السمنة البلدي وأضيفي باقي كمية الثوم الباقية مع التقيب واضيفي القليل من الكزبرة الناشفة وقومي بالتقليب مرة أخري حتي تجهز الطشة معنا.
7. قومي بصب الطشة فوق طبق الملوخية مع توزيعه وانتي بتصبية فوقها وقدميها مع العيش البلدي والفراخ المسلوقة والارز الأبيض مع اي نوع من انواع السلطات وبالهناء والشفاء.