بنقدم مع بعض انهاردة كفتة داود باشا او meetball وهي من افضل الاكلات السريعه اللي ممكن تحضريها في البيت وبأحلي طعم وبكل سهولة.
طريقة عمل كفتة داود باشا مع الشيف علاء الشربيني
المكونات:
- نصف كيلو لحم مفروم ملبسة
- صلصة طماطم
- عصير طماطم
- بهارات مشكلة
- كزبرة ناشفة
- بصل
- ثوم مفروم
- ملح
- فلفل اسود
- بقدونس مفروم
- كمون
- مرقة لحمة
- دقيق
التحضير:
- إحضري بولة كبيرة وقومي بوضع فيها نصف كيلو اللحم المفروم الملبس وقومي بوضع فوقة الفلفل الاسود المطحون وفوقهم الملح ورشة من البهارات المشكلة وفوقهم فص ثوم مفروم.
- قومي بإضافة بصلة مبشورة مصفاة والبقدونس المفروم وفلفل احمر مفروم لو بتحبي الأكل الحار وقومي بعجن عجينة الكفتة باليد جيدا حتي يمتزجوا كل المكونات معا جيدا واستمري في العجن حتي تصبح ممتزجة وتعطي لكي شكل العجينة.
- اتركي العجينة قليلا في البولة الكبيرة حتي تتشرب اللحم مع التوابل والبصل والثوم لنقوم بعدها بعمل باقي الخطوات معا.
- قومي بتقطيع عجينة الكفتة قطع صغيرة ونقوم بتكويرها باليد ليصبح عندك قطع الكفتة مكورة حتي تنتهي كل عجينة الكفتة معكي وقومي بتعفيرها بالدقيق قليلا وقومي بوضعها في صينية مدهونة بالزبدة.
- قومي بوضع الصينية الان في الفرن واتركيها قليلا مع كل فترة قومي بتحريكها لتتقلب معكي الكفتة وتستوي من كل الجوانب في الفرن.
- احضري حلة علي النار وقومي بوضع فيها معلقة ثوم ورشة من زيت الزيتون وقومي بوضع القليل من الفلفل الاخضر الحار او العادي مع الثوم مع التقليب علي النار.
- قومي بوضع صلصة الطماطم مع التقليب علي النار وقومي بتغطية الحلة علي النار وقومي بتركها قليلا علي النار حتي تغلي صلصة الطماطم.
- قومي الأن بإخراج الكفتة من الفرن ثم قومي بوضع فوقها مغرفة من صوص الطماطم فوق طاسة الكفتة ثم قومي بنقل الكفتة في الحلة.
- اتركي الحلة علي النار بالكفتة حتي تغلي وتكمل الكفتة سوائها في الصوص ثم اخرجيها من الحلة وضعيها في طبق التقديم وقدميها وبالهناء والشفاء.
طريقة عمل كفتة داود باشا مع الشيف هالة فهمي
المكونات:
- كيلو لحم مفروم
- بصلة مفرومة ومصفاة
- ملح
- فلفل اسود
- بقدونس مفروم
- البهارات السبعة
- دقيق
- نصف لتر عصير طماطم
- 2 معلقة كبيرة صلصة
- بصلة مكعبات
- سمنة
- ثوم مفروم
- مكعب مرقة
- السبع بهارات
- ملح
- فلفل أسود
التحضير:
- نقوم اولا بتحضير الصلصة بوضع حلة علي النار ونضع فيها معلقتين من السمنة واتركيها حتي تسخن جيدا وقومي بوضع فيها البصل المكعبات الصغيرة مع تقليبها علي النار حتي تتشوح قليلا.
- أضيفي الان الثوم المفروم مع التقليب قليلا ثم اضيفي مكعب المرقة والصلصة وقومي بتقليبهم علي النار ثم قومي بوضع عصير الطماطم مع تقليبه مع المكونات.
- أضيفي الان الملح والفلفل الاسود والبهارات السبعه مع التقليب علي النار جيدا حتي تتبل صلصة كفتة داود باشا ثم اتركيها علي النار حتي تتسبك جيدا علي النار في تلك الاثناء نقوم بتحضير اللحم المفروم وتتبيلة.
- احضري بولة كبيرة وقومي بوضع فيها اللحم المفروم والبصل المبشور وقومي بتقليبهم معا ثم اضيفي الملح والفلفل الاسود والبقدونس المفروم والبهارات السبع وقومي بتقليبهم معا جيدا.
- استمري في عجن اللحم باليد جيدا ثم قومي بعمل كور صغيرة لعجينة كفتة داود باشا وقومي بوضعها في طبق الدقيق مع تقليبها قليلا في الدقيق مع وضعها في مصفاة حتي تتصفي من اي دقيق زائد نهائيا.
- إحضري طاسة علي النار وقومي بوضع فيها القليل من الزيت وقومي بوضع فيها كرات كفتة داود باشا مع تقليبها علي النار قليلا حتي تستوي من كل الجوانب جيدا.
- قومي بوضع كرات كفتة داود باشا في حلة الصلصة مع تقليبها مع الصلصة ثم قومي بتغطية الحلة مرة أخري واتركيها حتي تكتمل تسبيك الصلصة علي النار وتكتمل سواء الكفتة في الصلصة.
- ارفعي الحلة من علي النار واتركيها حوالي 5 دقائق قبل ان تقومي بوضع كفتة داود باشا في طبق التقديم, احضري الان طبق التقديم وقومي بوضع فية الارز بالشعرية وقومي بوضع فوقة كرات كفتة داود باشا وقدميها وبالهناء والشفاء.
طريقة عمل كفتة داود باشا مع الشيف وحيد كمال
المكونات:
- نصف كيلو من اللحم المفروم
- بقسماط
- بصل مفروم
- فص ثوم مفروم
- سمنة
- نصف لتر عصير طماطم
- كزبرة مفرومة
- ملح
- فلفل اسود
- صلصة طماطم
- عصير طماطم
- بصل كارية
- نعناع مفروم
- سمنة
- سكر
التحضير:
- احضري بولة كبيرة وقومي بوضع فيها اللحم المفروم وقومي بوضع الكزبرة المفرومة وتفل بصلة متوسطة ونصف معلقة صغيرة من الفلفل الاسود او اقل ثم قومي بإضافة معلقة صغيرة ملح وفوقهم فص الثوم المفروم.
- قومي الان بعجن كل المكونات معا باليد حتي تمتزج كل المكونات باليد وتصبح العجينة كلها قطعة واحدة ثم اضيفي فوقها القليل من البقسماط مع التقليب مع عجينة كفتة داود باشا حتي تصبح العجينة قطعة واحدة ولا يظهر فيها اي مكونات وتصبح كلها واحدة.
- قومي بتقطيع عجينة الكفتة قطع وعملها كور حسب الحجم اللي تحبية وقومي بوضعها في طبق جانبا حتي تنتهي من كل كمية العجينة ثم قومي بوضعها في الدقيق مع التقليب حتي تتغطي بالدقيق جيدا.
- احضري طاسة وفيها القليل من السمنة وقومي بوضع فوقها قطع كفتة داود باشا حتي تستوي من كل الجوانب جيدا والتقليب يكون بتحريك الطاسة فقط وليس بمعلقة.
- احضري حلة علي النار وقومي بوضع فيها السمنة وفوقها البصل مع التقليب علي النار ثم أضيفي القليل من النعناع المفروم فوق البصل مع التقليب قليلا ثم أضيفي صلصة الطماطم مع التقليب مرة أخري.
- اضيفي صلصة الطماطم ورشة السكر والملح والفلفل الاسود مع التقليب علي النار حتي تتسبك قليلا ثم اضيفي فيها كرات كفتة داود باشا واتركيها في الحلة حتي تكتمل التسوية وتتسبك الصلصة أكثر.
- أتركيها في الحلة قليلا علي النار حتي تكتمل التسوية حوالي 5 دقائق مع تغطيتها ثم ارفعيها من علي النار وقومي بوضعها في طبق التقديم وبالهناء والشفاء.
طريقة عمل كفتة داود باشا مع الشيف سارة عبد السلام
المكونات:
- كيلو لحم مفروم
- 2 بصلة مفرومة
- نصف كوب بقدونس مفروم
- معلقة كبيرة ثوم مفروم
- بقسماط
- زيت نباتي
- 2 معلقة كبيرة بهارات لحمة
- ملح فلفل اسود
- مقادير صوص كفتة داود باشا :
- معلقة كبيرة ثوم مفروم
- نصف كوب بقدونس مفروم
- 500 ملي طماطم معصورة
- 3 معلقة كبيرة من الصلصة
- 500 ملي مرقة لحمة
- سمنة
- معلقة صغيرة سكر
- 2 معلقة صغيرة سبع بهارات
- 2 ورق لورا
- ملح
- فلفل اسود
التحضير:
- هنبدأ الأول نحضر عجينة الكفتة بإننا بنحضر بولة كبيرة ونقوم بوضع فيها اللحم المفروم والبصل المفروم والبقدونس المفروم والثوم المفروم والبقسماط وفوقهم الزيت النباتي وبهارات اللحم.
- أضيفي فوق اللحم الملح والفلفل الاسود حسب ما تحبي ثم قومي بعجنها باليد جيدا بإستمرار حتي يتم خلط المقادير كلها معا مع الاستمرار في العجن بقوة حتي تمتزج المكونات معا جيدا.
- قومي الان بتقطيع الكفتة قطع صغيرة الحجم مع عمل كل قطعة علي شكل كروي بالحجم المناسب اللي تحبية انتي وعائلتك فيمكنك عمل الكور بحجم يناسب اكل القطعه مباشرة او اكبر وقسمها اثناء الأكل.
- إحضري حلة علي النار وقومي بوضع فيها معلقتين من السمنه وقومي بإضافة فوقها الكفتة لتشويحها في السمنة الساخنة ثم قومي كل فترة بتقليبها بتحريك الحلة علي النار حتي تتشوح من كل الجوانب.
- قومي بإضافة ورقتين اللورا مع تقليبهم مع الكفتة ثم أضيفي الان الثوم المفروم مع تقليبه ليتشوح ثم اضيفي الان الصلصة مع تحريك الحلة أيضا للتشوح قليلا.
- أضيفي الان السكر والسبع بهارات وصوص الطماطم ومرقة اللحم والبقدونس المفروم مع تقليبهم معا ببطء حتي لا تتفتت الكفتة في الصلصة.
- اضيفي الان الملح والفلفل الاسود حسب ما تحبي مع التقليب مرة أخري في الصلصة علي النار واتركيها حتي تغلي علي النار وتستوي الكفتة.
- ارفعيها من علي النار واتركيها قليلا في الحلة لتكتمل باقي التسوية قليلا وقومي بوضعها في طبق التقديم وقدميها مع الارز الأبيض او الارز بالشعرية وبالهناء والشفاء.
