اليوم نقدم لكم احلي اكلة واحلي وصفة وهي طريقة عمل الكوارع والتي يحبها كل بيت مصري وعربي وبالاخص البيت المصري لما بها من طعم ومذاق رائع.
تعتبر الكوارع ومعها فتة الكوارع الملازمين لبعض في كل بيت هي من الوجبات المليئة بالبروتين وكل ما تحتاجينة للجسم وهي ايضا تعطي لك النشاط والحيوية.
طريقة عمل الكوارع بطريقة فاطمة أبو حاتي
المكونات:
- كارع مقطع
- طماطم
- جزرة
- بصلة
- 2 عود كرفس
- 2 فص ثوم
- معلقة كبيرة ثوم مفروم
- معلقة صغيرة سكر
- حبهان بودر
- مستكة
- ورق لاورا
- ملح
- فلفل اسود
التحضير:
- بعد ان تحضري الكوارع من عند الجزار ياريت يكون الرجل الأمامية لانها بها لحم اكثر.
- نقوم بتنظيفها وندعكها بملح خشن ودقيق ونشطفها وننقعها بمياة وخل لمدة ربع ساعه علي الاقل ثم نقوم بغسلها بمياة مرة أخري لتصبح جاهزة للإستخدام.
- نقوم بوضع حلتين مياة علي النار حتي تغلي جدا ونقوم بوضع الكوارع في الحلة الأولي ونتركها علي النار حوالي 3 دقائق.
- نقوم بوضع في الحلة الاخري جزرة وبصلة وحباية طماطم مقطعين قطع كبيرة ومعلقة سكر ونضع الكرافس مقطع قطع صغيرة.
- ثم نضع الثوم كامل وورق اللورا والمستكة وحبهان بودر وفلفل أسود ونقلبهم معا في المياة المغلية.
- بعد ان تنتهي الثلاثة دقائق نقوم بتصفية الكوارع من المياة نهائيا ونقوم بغسلها مرة أخري بمياة من الخنفية ثم نضعها في الحلة الأخري مع الخضروات.
- نقوم بتقليبها مع الخضار والتوايل ونقوم بتغطيتها ونتركها تغلي ثم نقوم بتقليل النار وتستمر علي نار هادئة.
- أتركيها حتي تستوي جيدا وقت التسوية حسب اذا كانت الكوارع كبيرة او صغيرة او حسب الكمية كمان.
- قبل ان تستوي بوقت قصير نقوم بوضع الملح وتقليبها جيدا.
- بعد ان تنتهي من السلق نقوم باحضار حلة علي النار ونضع فيها القليل من السمنة او الزيت ونتركها تسيح.
- ضعي القليل من الثوم المفروم حسب كمية الشوربة والكوارع واتركية حتي يتشوح ثم نقوم بوضع عليه الكوارع مقطعة قطع مكعبات صغيرة.
- نضع القليل من الملح والفلفل ونقوم بالتقليب باستمرار حتي تتشوح ثم نقوم بوضع الشوربة فوق الكوارع بالثوم ونتركها تغلي غلوتين ونغلق عليها.
- وتقدم مع فتة الكوارع ونقدمها لكي في طريقة عمل فتة الكوارع بسهولة مع الأرز الابيض المصري وبالهناء والشفاء.
طريقة عمل الكوارع بطريقة هالة فهمي
المكونات:
- كوارع حسب الكمية ما تحبي
- سمنة
- ثوم مفروم
- خل
- كزبرة ناشفة
التحضير:
- نقوم باحضار حلة كبيرة علي النار فيها مياة مغلية ونقوم بوضع الكوارع فيها بعد ان نقوم بغسلها جيدا جدا.
- نترك الكوارع علي النار لمدة 2 دقيقة وثم نقوم برفعها من علي النار وغسلها جيدا وتصفيتها من المياة.
- في حلة اخري بها مياة نقوم بوضع الكوارع مرة اخري علي النار في مياة نظيفة لنقوم بسلقها ويمكنك اضافة اليها الخضار اللي تحبية.
- ولا تقومي باضافة الملح الا في نهاية السلق حتي لا تعجز لحم الكوارع ولا تستوي نهائيا.
- نقوم باحضار طاسة ونضعها علي النار ونتركها تسخن قليلا ثم نقوم بوضع معلقة سمنة فيها ونقوم بوضع الثوم المفروم ونتركها للتشوح قليلا.
- نقوم بوضع الخل فوق الثوم ونقوم بالتقليب حتي يتشوح الخل مع الثوم.
- نقوم بوضع القليل من الشوربة فوق الثوم والخل ونقوم بوضع المحتويات كلها في حلة الكوارع فوق الكوارع الموجودة في الحلة.
- نقوم باحضار طبق التقديم للشوربة لتقديم شوربة الكوارع ونقوم بوضع قطع الكوارع في الطبق ونقوم بوضع الشوربة فوقها.
- قدميها في طبق التقديم وبالهناء والشفاء.
طريقة عمل الكوارع في طاجن بطريقة مروة الشافعي
المكونات:
- كوارع
- بصلة
- حبهان
- مستكة
- ورق لورا
- ملح
- فلفل أسود
- ماء ساخن للسلق
- جزر
- بصل مقطع جوانح
- صلصة طماطم
التحضير:
- قومي بغسيل الكوارع بمياه وملح وخل ونتركها حوالي ربع ساعه منقوعة حتي تنظف جيدا ونقوم بتصفيتها وغسلها بمياة نظيفة.
- قومي باحضار حلة علي النار ونضع فيها مياة مغلية وضعي فيها الكوارع واتركيها لمدة نصف ساعه تغلي في المياة.
- ثم نقوم باخراجها من الحلة ونصفيها ونقوم بغسل الكوارع مرة اخري بمياة ونضعها جانبا.
- نقوم بوضع حلة اخري علي النار وفيها مياة مغلية ونقوم بوضع فيها حبهان وبصلة ومستكة وورق لورا وفلفل اسود وجزرة ونضع فيها الكوارع.
- نقوم بتركها علي النار حوالي 3 ساعات الي 4 ساعات حسب الكوارع والكمية ولازم تاكدي عليها كل فترة.
- ويجب متابعه الشوربة بحيث لو نقصت الشوربة نقوم باضافة القليل من المياة المغلية طوال فترة السواء.
- اخرجي الكوارع في طبق الان جانبا وصفيها من الشوربة واتركي الشوربة في الحلة.
- حضر صينية حسب ما تحبي ونقوم بوضع فيها معلقة سمن ونتركها لتسيح ونضع فيها البصل المقطع جوانح.
- استمري في تقليب البصل مع السمن ونضع رشة سكر علي البصل ونستمر في التقليب حتي يبدا البصل قليلا بالدبلان.
- ضيفي فوق البصل الملح والفلفل وقومي بالتقليب باستمرار وقومي بوضع كبايتان من الصلصة المعلبة فوق البصل واستمري في التقليب.
- قومي باضافة القليل من شوربة الكوارع فوق الصلصة وكملي تقليب وضعي رشة من جوزة الطيب وكملي بالتقليب.
- احضري الأن الطاجن وقومي بوضع الكوارع بالعظم او نقطعها ونضعها بدون عظم في الطاجن حسب الكمية وحسب حجم الطاجن.
- قومي بوضع الان فوق الكوارع الصلصة بالبصل من كل الجوانب حتي يتغطي كل الكوارع بالصلصة والبصل.
- نقوم الان بإدخال طاجن الكوارع الي الفرن حتي تعطي وش الطاجن ونخرجة من الفرن ونقدمة في طبق التقديم وبالهناء والشفاء.
طريقة عمل الكوارع بالفتة او طريقه عمل فته الكوارع مع نجلاء الشرشابي
المكونات:
- كوارع مسلوقة
- شوربة كوارع
- خل
- عصير طماطم
- ثوم
- سمنة
- أرز ابيض
- خبز بلدي محمص
- مرقة
- ملح
- فلفل اسود
التحضير:
- قومي بتقطيع العيش البلدي ونقطعه قطع مربعات ونقوم في طاسة بوضع سمنة علي النار ونضع فية العيش ونستمر في التقليب حتي يتحمر.
- نقوم باخراج العيش من علي النار ونضيفة علي ورق زبدة ليتصفي من السمنه.
- في طاسة اخري ضعي معلقة سمنة وفوقها الثوم ورشة ملح ونقوم بالتقليب حتي يتشوح الثوم ونضيف فوقة الخل ونقوم بالتقليب.
- نقوم باضافة فوقة كوبايتين عصير طماطم فوق الثوم ونتركها لتغلي ونضيف فوقها الفلفل الأسود ونقوم بالتقليب.
- ابداي في تتبيل الصلصة بالملح والفلفل ونقوم بالتقليب ونتركها تغلي.
- نقوم بعد ان تغلي شوربة الكوارع ونتركها لتغلي مرة أخري قليلا.
- في طاجن نقوم بوضع العيش وفوقه معلقتان من شوربة الكوارع ونضيف فوقة الأرز الأبيض وستجدي هنا طريقة عمل الارز .
- نضع فوق الارز الكوارع مقطعة او بالعظم ثم نقوم بوضع الصلصة فوق الكوارع والارز في كل الطاجن.
- قومي بادخال الطاجن الفرن واتركية حتي يعطي الوش المحمر ذات الشكل والمذاق الرائع واخرجيها من الفرن.
- قدمي فتة الكوارع مع الكوارع في الطاجن او في طبق تقديم وبالهناء والشفاء.
طريقة عمل الكوارع بطريقة الشيف نونا
مكونات طريقة عمل الكوارع :
- كارع امامي
- ماء بارد
- ماء مغلي
- 3 طماطم
- جزرة مبشورة
- لاورا بودر
- حبهان بودر
- مكعبات مرقة
التحضير:
- احضري الكوارع وضعي عليها الدقيق وملح وقومي بغسلها بيه فقط واتركي عليها الدقيق نصف ساعه ثم قومي بوضعها علي مياة نضيفة واغسليها بية.
- ضعيها مرة اخري في مياة وخل واغسليها ثم اغسليها بمياة عادية وصفيها من المياة نهائيا.
- نقوم بغسل الكوارع جيدا حتي لا يكون فيها اي رائحة او لون مختلف وقطعيها علي حسب الحجم.
- نقوم الان بوضع الكوارع في حلة علي النار فيها مياة باردة ونتركها حوالي نصف ساعة حتي تغلي غلوتين فقط.
- نخرج الكوارع من الحلة ونصفيها ونغسلها بمياة باردة.
- نحضر حلة اخري علي النار فيها مياة مغلية ونضع فيها طماطم مقطعة شرائح وجزر شرائح ولورا وحبهان بودر ونضع مكعب مرقة دجاج ورشة فلفل أسود.
- اتركي الحلة علي النار حتي تغلي ثم نقوم بوضع الكوارع فيها مرة أخري ونتركها علي النار.
- تاكدي من الكوارع كل فترة انها استوت ام لا وقومي بتزويد الشوربة بمياة مغلية كل فترة لو قلت معاكي.
- ضعي طاسة علي النار وضعي فيها معلقة سمنة او اثنين حسب الكمية وثوم مفروم واتركيها للتشوح وضعي فوقة الخل وقلبي جيدا.
- ضعي الان الطشة فوق الشوربة وقلبيها مع الكوارع وبالهناء والشفاء.
